शिक्षाको महत्व निबन्ध नेपालीमा | importance of education essay in nepali | Essay on importance of education in Nepali
शिक्षाको महत्व
शिक्षा शब्दको अर्थ कुनै पनि कुरा सिक्नु अध्ययन गर्नु वा ज्ञान आर्जन गर्नु हो | आजको युगमा शिक्षा भनेको मानवजातिको तेस्रो आँखा झैँ हो | यसले ज्ञानको किरण दिन्छ | शिक्षा मानवजातिको सुन्दर आभूषण हो भने शिक्षित व्यक्ति हरेक राष्ट्रको सुन्दर गहना हो | शिक्षा एक यस्तो माध्यम हो जसले हरेक व्यक्तिलाई सफलताको ढोकासम्म डोर्याउन सक्छ | शिक्षित मानिसले जीवनका जस्तासुकै परिस्थितिसँग नडराई धैर्यताका साथ भिड्न सक्छ | शिक्षाको उज्यालो घामबाट बन्चित भएको व्यक्तिले मानव जीवनको महत्वलाई बुझ्न सक्दैन | अशिक्षित मानिस जीवनमा अपाङ्ग हुन पुग्छ र जीवनको पूर्ण आनन्द लिन सक्दैन | मानिस धर्तीमा जन्मन साथ उसको सिक्ने प्रक्रिया आरम्भ हुन्छ र उसको अन्त्यसँगै सकिन्छ |
आमाले बालकलाई काखमा राखेर आमा-आमा भन्न सिकाउँछिन् बालकले त्यस्तै अनुकरण गर्न खोज्छ र मा-मा भन्न थाल्छ गाईले कराएको सुने पछी बालक गाईलाई बा-बा भनी बोलाउन थाल्छ | बालकलाई यसरी बोल्न सिकाउने मात्र होइन सफा-सुग्घर हुन ठूलाबडालाई आधार गर्न र सानालाई माया गर्न पनि आमाले नै सिकाएकी हुन्छन् | शिक्षा आर्जन गर्ने स्थान भनेको विद्यालय हो विद्यालयहरु भनेका शिक्षाका पबित्र मन्दिर हरु हुन् जहाँ बसेर व्यक्तिले ज्ञान आर्जन गर्न सक्दछ |
घाम, नदी, पहाड र वृक्ष वनस्पति बाट पनि मानिसले शिक्षा आर्जन गर्न सक्छन् जस्तै नदीबाट कहिले नजम्ने र गतिशील भईरहने कुरा सिक्न सकिन्छ भने हिमालयबाट स्वभिमानको पाठ सिक्न सकिन्छ रूखबाट शीतल सहारा दिएर मीठा मीठा फलहरुको दिएर परोपकारी निस्वार्थी हुने कुरा सिकिन्छ भन्ने कमिलाका ताती बट संगठनको महत्व र उपलब्धीको बारेमा सिक्न सकिन्छ यसरीनै प्रकृतिबाट नै थुप्रै ज्ञानगुनका कुराहरु सिक्न सकिन्छ |
अहिलेको युगमा शिक्षा आर्जन गर्नका लागि थुप्रै विद्यालयहरुको खुलेका छन् त्यहाँ गएर मानिसहरूले आफूभित्र रहेको अज्ञानका पर्दालाई धुजाधुजा पार्नसक्छ | जुनजुन देशमा शिक्षाको उचित विकास भएको छ ती ती देशहरूले विकासको शिखरमा पुग्न सफल भएका छन् | तर जहाँ-जहाँ अशिक्षा र ज्ञानको अन्धकार छ त्यहाँका जनताले पशुवत नारकीय जीवन भोग्नुपरेको छ | धेरै ठाउँमा अशिक्षा कारणले अन्धविश्वास फैलिएको छ देशमा पछौटेपन र गरिबीले विषालु नङ्ग्रा गाडेको छ भोक रोग र शोकले गाँजेको छ भने शिक्षाको उज्यालो घामको न्यानो किरणले पाएका मुलुकहरूले विकासको गतिमा अग्रता हासिल गरिरहेको छ |
आज भने शिक्षामा बिकृतिहरु मौलाउन थालेका छन् आज शिक्षा पाएर व्यक्तिले बाँच्नका लागि रोजगारको भिक्षा माग्नु परेको देखापरिरहेको छ यस्तो शिक्षा आर्जन गर्नु कुनै महत्व हुँदैन आज शिक्षा आर्जन गरेका शिक्षित बर्गहरु प्रशस्त छन् उनीहरुसँग एमबिबिएस ईन्जिनियरिङ सम्म योग्यताको प्रमाणपत्र पनि छ तर तिनीहरु आफैं बाँच्न नसक्ने अनि आफ्नो खुट्टामा उभिन सक्ने लायकका छैनन् | शिक्षामा व्यापारीकरण र औद्योगिकरण भइरहेको छ शिक्षालयहरु बोडिङ सुनको फुल पार्ने कुखुरी बनेका छन् भने त्यहाँबाट निस्कने शिक्षित बर्गहरु प्रमाणपत्र लिएर अलपत्र भएका उदाहरण पनि देखिएकै छन् | यस्तो शिक्षा र यस्ता विद्यालयहरूको कुनै महत्व हुँदैन यसले मुलुकलाई विकासको चुलीमा होइन विनाश तीर पुर्याउन सक्छ आज हामीलाई मुलुकको हावापानी र माटो सुहाउँदो शिक्षा चाहिएकोछ रोजगारमूलक प्रविधि एवं व्यवसायिक शिक्षाको आज खाचो छ | त्यसैले यस विषयमा सरकारले आफ्नो ध्यानाकर्षण गर्नु एकदमै जरुरी छ |
यसर्थ शिक्षा मानवजातिको सुन्दर आभूषण हो भने शिक्षित व्यक्ति हरेक राष्ट्रको सुन्दर गहना हो शिक्षाले नै मानिस तथा देशको विकासका लागि ठूलो भूमिका खेल्छ यसले सुख सभ्यता र ऐश्वर्य प्रदान गर्न सक्दछ | व्यक्ति जाति र राष्ट्रको उन्नतिमा शिक्षाले सबैभन्दा ठूलो भूमिका निभाएको हुन्छ त्यसैले जीवनकालागि शिक्षा अतिआवश्यक महत्वपूर्ण वस्तु हो |
tags: essay on importance of education in nepali, essay on importance of education, shikshya ko mahatwa nibandha, essay on importance of education in nepali language.